For the English version of this article, click here.
“ᖃᐅᔨᒻᒪᓐᓇᖁᖅᑐᖅ ᑭᓐᓇᑐᐃᓐᓇᖅ ᑐᑭᓯᐊᕆᔭᖃᖏᑦᑐᖅ ᑕᒻᒪᒃᑯᐊ ᒥᒃᓴᓄᑦ ᑐᒃᓴᒐᒃᓴᓕᐊᖑᑎᓪᓗᒋᑦ ᑐᒃᓯᐊᖅᕕᓕᕆᔨᒃᑯᑦ ᑮᓇᐅᔭᖁᑕᐃᑦᑕ ᓱᓐᓇᒧᑦ ᐊᑑᑎᖃᕆᐊᒃᓵᑕ!” ᐊᔪᕆᖅᓱᐃᔨᓄᑦ ᐃᓚᖏᓐᓄᑦ ᐊᖓᔪᖃᖑᔪᖅ ᐊᓕᒃᓴᓐᑐᕈ ᐳᕋᐃᔪ ᐅᖃᖅᐳᖅ ᑕᑉᑯᓐᓄᖓ ᑐᓴᖅᖠᑎᕆᑎᓪᓗᒍ ᑲᑎᒪᓐᓂᖅᔪᐊᑦ ᑲᑎᒪᔨᖏᓐᓄᑦ ᑲᑎᒻᒪᓱᑕᕆᑎᓪᓗᒋᑦ ᓄᕕᒻᐱᕆᐅᑎᓪᓗᒍ, “ᑕᒻᒪᓐᓇ ᐱᔾᔪᑎᒋᓪᓗᒍ ᐊᓯᐊᓂᒃ ᑐᑭᓯᓐᓇᖅᑎᓪᓗᒍ ᐃᓄᖕᓄᑦ ᑕᒻᒪᐃᓐᓄᑦ.
ᑕᓐᓇ ᐊᔪᕆᖅᓱᐃᔨᖅᔪᐊᖃᖅᕕᒃᑯᑦ ᑰᐊᐳᕇᓴᐅᖕᒪᑦ ᑕᒃᑯᓄᙵ ᑐᒃᓯᐊᖅᕕᖕᓄᑦ ᐅᑭᐅᖅᑕᖅᑐᒥᐅᑕᓄᑦ ᐃᓚᐅᓯᒪᓐᓂᑦᑯᑦ, ᐊᒻᒥᓱᐊᓗᖕᓂᒃ ᐱᓕᕆᖃᑎᒌᒎᖕᓇᕆᕗᒍᑦ ᐃᓂᖅᑎᕆᑦᑎᐊᖅᓗᒋᑦ ᐱᓕᕆᐊᒃᓴᐅᔪᓂᒃ ᑕᒃᑯᐊ ᑭᓯᐅᓪᕉᖅᑐᒥᒃ ᑐᒃᓯᐊᖅᕕᓖᒪᑦ ᐱᓕᕆᐊᕆᔭᒻᒥᓐᓂᒃ ᐱᓕᕆᐊᕆᖏᓪᓗᒋᑦ. ᑕᐃᒻᒪᓗ ᐅᖃᐅᓯᒃᑯᑦ ᑐᑭᓯᑎᑦᑎᓇᓱᐊᕆᐊᖃᓕᕋᑉᑕ ᐅᕙᒍᑦ ᐊᔪᕆᖅᓱᐃᔨᖅᔪᐊᖃᖅᕕᖕᒥ ᐃᖃᓐᓇᐃᔭᖅᑐᑎᒍᑦ, ᐱᓗᐊᖅᑐᒥᒃ ᑕᒃᑯᐊ ᑐᒃᓯᐊᖅᕕᓕᕆᔨᑯᑦ ᑲᑎᒪᔨᖏᓐᓄᑦ ᐊᒻᒪ ᐃᑲᔪᖅᑎᖏᓐᓄᓪᓗ.
ᑕᓐᓇ ᐊᖏᓂᖅᓴᐅᑎᓪᓗᒍ ᐅᑭᐅᖅᓯᐅᑎᓕᒫᑦ ᑮᓇᐅᔭᐃᑦ ᑐᒃᓯᐊᖅᕖᑦ ᐊᑭᓕᖅᑐᐃᓂᖏᓐᓂᒃ ᑕᕿᖅ ᑕᒻᒪᑦ ᐊᑐᖅᑕᐅᓲᖑᖕᒪᑦᑕ ᑐᒃᓯᐊᖅᕕᓕᒫᓄᑦ ᐊᒻᒪ ᐊᔪᕆᖅᓱᐃᔨᐅᔪᓄᑦ ᐊᔪᕆᖅᓱᐃᔨᖃᖅᕕᑉᑎᖕᓂ: ᑕᒻᒪᒃᑯᐊ ᐊᑭᓕᖅᑕᐅᓲᖑᖕᒪᑕ ᐊᔪᕆᖅᓱᐃᔨᑦ ᓄᓇᓕᐅᔪᓂ, ᐊᓯᓐᓄᑦ ᐊᐅᓪᓚᕆᐊᖃᓕᖅᓂᖅᐸᑕ ᑲᑎᒻᒪᔭᖅᑐᖅᓂᖅᒧᓪᓗᓐᓂᑦ ᐃᓕᓐᓂᐊᖅᑎᑎᔭᖅᑐᖅᓂᐊᕈᓂ ᐃᑲᔪᖅᑎᐅᔪᒃᓴᓂᒃ ᑎᖕᒥᔪᑎᓴᖏᑦ ᐊᑭᓕᕆᐊᓖᑦᑕᐅᖅ ᓄᓇᓕᐅᔪᓂ, ᐊᒻᒪᓗ ᐃᓐᓄᓱᒃᑐᓕᕆᔨᖅ ᐊᔪᕆᖅᓱᐃᔨᖅᔪᐊᖃᖅᕕᑉᑎᖕᓂᓗ.
“ᑕᓐᓇ ᓅᑕᖑᖏᓪᓕᖅᑐᖅ ᑐᑭᓕᐅᖅᑕᐅᓯᒪᓐᓂᖓ ‘ᑐᒃᓯᐊᖅᕕᓖᒪᑦ ᑮᓇᐅᔭᖏᑦ ᐃᓯᖅᐸᓪᓕᐊᔪᓪᓗ ᐊᑭᓖᔪᑕᐅᔪᓪᓗ ᓇᓗᓇᐃᖅᑐᖅᑕᐅᓂᖏᑦ’ ᑐᑭᓕᐅᖅᑕᐅᓂᑐᖃᖓ ᐊᑐᕈᖕᓃᖅᓂᐊᓕᖅᑐᖅ.” ᐅᖃᓪᓚᒃᑐᖅ ᐊᔪᕆᖅᓱᐃᔨᓄᑦ ᐃᓚᖏᓐᓄᑦ ᐊᖓᔪᖃᖑᔪᖅ ᐊᓕᒃᓴᓐᑐᕈ ᐳᕋᐃᔪ. ᑕᒃᕙᓐᓂ ᐱᒋᐊᖅᓗᓂ ᐊᐃᕆᓕᒥ, ᑐᒃᓯᐊᖅᕕᓖᒪᑦ ᑐᓐᓂᕈᓯᖃᑕᖁᔭᐅᔪᒪᑦ ᑕᓪᓕᒪᐃᔭᖃᑕᖅᓗᑎᒃ “ᐊᓯᒥᓐᓂᒃ ᐃᑲᔪᕈᒪᓂᖅᒧᑦ ᑐᓐᓂᕈᓯᖅᓂᒃᒥᒃ” ᑕᒃᑯᓐᓄᖓ ᐃᑲᔫᑕᐅᔪᒪᓕᖅᑐᑦ ᐊᔪᕆᖅᓱᐃᕕᓖᒪᓄᑦ ᐃᑲᔫᑕᐅᔪᒃᓴᐅᓕᖅᑎᓪᓗᒍ, ᑕᒃᑯᐊᓪᓕ ᓇ’ᒥᓂᖅ ᑐᒃᓯᐊᖅᕖᑦ ᒪᑭᒪᑦᑎᐊᖅᓯᒪᔪᑦ ᐊᒻᒪ ᐃᑲᔪᖅᑕᐅᔭᕆᐊᓖᑦ ᑐᒃᓯᐊᖅᕖᑦ ᑐᓐᓂᕈᓯᖃᑕᐅᖃᑕᕈᒪᖅᑐᑦ ᑕᓪᓕᒻᒪᓪᓗ ᐱᖓᓱᓪᓗ ᑐᓐᓂᕈᓯᕈᒪᑦ “ᓇᒻᒪᓐᓇᖅᑐᒥᒃ ᑐᓐᓂᕈᓯᖃᑕᐅᓂᖅᒥᒃ” ᑕᑉᑯᓐᓄᖓ ᐊᑭᓕᐅᑕᐅᖃᑦᑕᕈᒻᒪᑦ ᐃᖏᕋᓐᓂᖓᓂᒃ ᑲᑎᒻᒪᓂᖅᔪᐊᒧᑦ ᑎᑎᕋᖅᕕᖓᓐᓂ. “ᑐᑭᓯᓐᓇᖅᑐᖅ ᐊᒻᒪ ᐊᔪᖅᓇᖏᓐᓂᖅᓴᐅᓪᓗᓂ ᒪᓕᒐᒃᓴᐅᔪᒪᖅ, ᑕᒻᒪᑯᐊ ᑐᒃᓯᐊᖅᕕᓕᕆᔨᒃᑯᓐᓄᑦ ᑮᓇᐅᔭᓕᕆᔨᐅᔪᑦ ᖃᐅᔨᓴᖃᑕᕈᒪᖅᒪᑕ ᖃᑉᓯᓪᓗᐊᒥᒃ ᐊᑮᓕᖃᕆᐊᖃᖅᓂᖓᓐᓂᒃ ᑐᒃᓯᐊᖅᕕᓕᕆᔨᑯᑦ ᐅᑭᐅᖑᓂᐊᖅᑐᒥ ᖃᐃᔪᒥ!”
One thought on “ᓄᑕᖑᕿᔭᖅ ᑕᒻᒪᒃᑯᐊ ᐊᔪᕆᖅᓱᐃᔨᖅᔪᐊᖃᖅᕕᖕᒧᑦ ᑐᓴᒐᒃᓴᓕᐊᖑᑎᓪᓗᒋᑦ ᑐᒃᓯᐊᖅᕕᓕᕆᔨᑯᑦ ᑮᓇᐅᔭᖁᑕᐃᑕ ᒥᒃᓴᓄᑦ”