For the English version of this article, click here.

ᐃᓐᓄᓕᒫᑦ ᐃᑲᔪᖅᑐᖅᑕᐅᔭᖃᕐᐳᑦ ᑕᐃᑉᓱᒪᓂᐅᒃᐸᑦ ᐅᕝᕙᓗᓐᓃᑦ ᐅᑉᓗᒥ. ᐃᑉᕈᕈᑦ ᐅᖃᖅᓯᒪᖕᒪᑕ ᐃᓄᐃᑦ ᑕᒪᖅᒥᒃ ᐅᒃᐱᕐᖕᓂᖅᒥᒃ ᑐᖁᖓᓚᐅᖅᐳᓯ, ᐱᐅᖏᑦᑐᓕᓂᕐᖕᒧᑦ ᐊᔪᖅᑐᓕᓂᕐᖕᒧᓪᓗ, ᓱᖃᐃᒻᒪ ᑕᒻᒪᑉᑕ ᐊᔪᖅᓴᖅᐸᒃᐳᒍᑦ ᖃᐅᔨᕙᓪᓕᐊᓇᓱᐊᖅᓱᒍ, ᑐᑭᓯᕙᓪᓕᐊᓇᓱᐊᖅᓱᒍ ᐃᓗᑉᑎᖕᓂᓗᒃᑕᖅ, ᐊᑦᕿᒃᑕᐅᓂᒃᑯᑦ, ᐊᒻᒪ ᓴᐃᒻᒪᓂᖓᓂᒃ ᒎᑎᐅᑉ ᐅᕙᑉᑎᖕᓄᑦ ᑐᓂᓯᕕᒋᔪᒪᕙᑎᒍᑦ. ᐃᓚᖏᑦ ᐃᓄᐃᑦ ᐊᔪᖅᓴᓕᖃᑕᖅᐳᑦ ᑕᒪᒃᑯᓄᖓ ᐊᖓᔭᕈᑕᐅᕙᒃᑐᐃᑦ ᐃᒥᐊᓗᐃᑦ, ᓱᓇᓗᒃᑕᑦ ᐊᔪᖅᓴᕈᑕᐅᕙᒃᑐᐃᑦ ᐃᓄᐃᑦ ᑕᒪᖅᒥᒃ ᖃᐅᔨᒪᕙᐃᑦ. ᑕᒪᒃᑯᐊ ᒪᒥᐊᓱᖕᓂᖅ, ᐱᔪᒪᓗᐊᖅᓂᖅ ᑮᓇᐅᔭᓂᒃ ᐅᕝᕙᓗᓐᓂᑦ ᐱᖁᑎᓂᒃ, ᑲᑎᑕᐅᓯᒪᔪᑦ ᖁᕕᐊᓱᖏᓐᓂᖏᑦ, ᐅᕝᕙᓗᓐᓂᑦ ᐃᓗᑉᑯᑦ ᐊ’ᓂᖅᑕᐅᓯᒪᓂᑰᒃᐸᑦ ᑕᒻᒪᑯᐊ ᑕᒪᖅᒥᒃ ᒎᑎᐅᑉ ᐱᔭᕈᒪᕙᐃᑦ ᐅᕙᑉᑎᖕᓂᑦ.

ᑕᒻᓇ ᖁᕕᐊᓲᑎᖃᖅᓂᖅ ᐊᓂᒍᐃᓂᖅᒥᒃ ᐃᓗᑉᑎᖕᓂᓗᒃᑕᖅ ᐅᖃᒪᐃᒃᓴᕈᑎᒋᔭᑉᑎᖕᓂᒃ. ᐊᑦᕿᒃᓱᖅᑕᐅᓯᒪᓂᒃᑯᑦ ᑎᑎᕋᖅᑕᐅᓂᖓᒍᓪᓗ ᐃᑲᔪᖅᑕᐅᔪᑎᓴᑦ ᑕᒪᒃᑯᓂᖓ ᐊᑐᖅᑕᐅᓲᑦ ᐃᒥᐊᓗᖕᒧᑦ ᓄᖃᕋᓱᒃᑐᑦ ᑲᑎᖃᑎᒌᖕᓂᖏᓐᓂᒃ ᐅᑉᓗᑉ ᐃᓚᐃᓐᓇᖓᓐᓂᒃ ᐊᒻᒪ ᐊᖓᔭᖅᓇᖅᑐᓂᒃᓗ ᓄᖃᕋᓱᒃᑐᓄᓪᓗ, ᑭᓯᐊᓂᒃ ᐅᖃᐅᓯᖃᖅᑐᖅ ᑎᒻᒥᓘᒃᑕᒧᑦ ᐃᓗᑉᑎᖕᓄᓪᓗ ᐊᑦᕿᒃᑕᐅᓐᓇᖅᑐᒃᑯᑦ ᐃᑉᕈᕈᓂᑦᑐᑦ ᐅᖃᐅᓰᑦ, ᐅᒃᐱᕈᓱᒃᐸᓪᓕᐊᓕᖅᑎᓪᓗᑕ ᔩᓱᓯ ᐸᔅᑐᓯᒥᒃ, ᑕᒻᓇᑐᐊᖑᕗᖅ ᐊᒻᒪ ᐃᓅᓯᖃᖅᓇᖅᑐᑐᐊᖅ ᐃᓐᓅᔪᖅ “ᖁᕐᓯᖕᓂᖅᐸᐅᓪᓗᓂ ᐱᔪᖕᓇᖅᓂᖓᒍᑦ.

ᑕᒻᓇ ᐱᒋᐊᕈᑕᐅᕙᓪᓕᐊᕗᖅ ᐃᓄᐃᑦ ᐊᒥᓱᖏᑦᑐᓂᒃ ᓯᕗᓕᐅᖅᑎᐅᔪᓂᑦ “ᖁᕕᐊᓲᑎᖃᖅᓂᖅ ᐊᓂᒍᐃᓂᖅᒥᒃ ᐃᓗᑉᑎᖕᓂᓗᒃᑕᖅ ᐅᖃᒪᐃᒃᓴᕈᑎᒋᔭᑉᑎᖕᓂᒃ” ᑐᒃᓯᐊᖅᕕᒃᓯᖕᓂ ᐱᒋᐊᕈᖕᓇᖅᐳᖅ. ᐃᓄᐃᑦ ᑭᒃᑰᖕᒪᖓᑕ ᐱᒋᐊᕈᖕᓇᕋᓱᒋᔪᓂᒃ ᐊᒻᒪ ᐅᒃᐱᖅᓇᕐᑑᓗᓂ ᐃᓄᖃᑎᒥᓄᒃ ᐊᑐᖅᓯᒪᔭᒥᓐᓂᒃ ᒥᒃᓴᓄᑦ, ᐅᖃᐅᓯᕆᔪᖕᓇᒐᐃ’ᓂᒃ ᖃᓄᖅ ᒎᑎᒥᑦ ᐊᔪᕐᖕᓂᕐᒥᑦ ᕿᓚᕈᑦᔮᖅᑕᐅᓯᒪᕗᑦ, ᐊᒻᒪ ᐃᓄᒃ ᑭᓇᑐᐃᓐᓇᖅ ᐅᖃᐅᓯᒃᓴᕆᖏᑕᖏᓐᓂᒃ ᐅᖃᖅᑐᒃᓴᐅᖏᑉᐳᑦ ᐃᓄᖕᓄᑦ.

ᑕᒪᒃᑯᐊ ᐊ’ᔨᒋᖏᑕᖓᓐᓂᒃ ᐃᒥᐊᓗᖕᒧᑦ ᓄᖃᕋᓱᒃᑐᑦ ᑲᑎᒪᓂᕆᔭᖏᓐᓂᒃ, ᐅᑉᓗᕆᕈᒥ ᐊᑐᖅᑐᒥ ᑲᑎᒪᓂᖅ ᐱᒋᐊᕈᑎᖃᕋᔭᖅᐳᖅ ᓂᖅᑐᐃᓂᖅᒥᒃ. ᑕᐃᒪᓗ ᐃᑉᕈᕈᓂᖓᖅᑐᓂᒃ ᐃᓕᓴᐅᑎᒃᓴᑦ ᐅᖃᓕᒪᒐᐅᖃᑕᖅᓗᑎᒃ ᓯᕗᓕᐅᖅᑎᐅᔪᒥᑦ, ᐅᕝᕙᓗᓐᓂᑦ ᐊᖁᐃᖅᑐᕈᖕᓇᖅᑐᓯ ᖁᙱᖓᓕᐅᖅᓯᒪᔪᓂᒃ ᖃᑉᓗᓇᑎᑐᖅᑐᓂᒃ ᑕᐅᑐᒐᐅᔪᖕᓇᖅᑐᓂᒃ. ᕼᐃᒪᓗ ᐅᑉᓗᕆᕈᑉ ᐊᑯᙵᓂ ᐱᕕᒃᓴᖃᖅᑎᑕᐅᔪᒪᖅᑐᓯ ᐅᖃᐅᓯᕆᓗᒋᑦ ᐊᒃᓱᕈᖅᓇᖅᑐᑰᕈᑎᒋᓯᒪᔭᖅᓂᒃ ᐊᒻᒪ ᖁᕕᐊᓲᑎᖃᖅᓗᓯᓗ ᐃᓕᑉᓯ ᑕᒪᑉᓯ ᐱᕈᖅᐸᓪᓕᐊᔪᑎᒋᔭᓯ ᐊᒻᒪ ᖁ’ᒧᒃᑎᖃᑎᒌᒃᓗᓯ ᑐᒃᓯᐊᖅᓂᒃᑯᑦ. ᕼᐃᒪᓗ ᒪᕐᐱᕋᖅᓂᒃ ᒪᒥᓴᖅᐸᓪᓕᐊᔪᒪᒻᒪᕆᒃᑐᓄᑦ ᐱᑕᓕᒃ ᐊᒻᒪ ᐅᖃᒪᖃᑎᖃᖅᓗᑎᒃ ᓯᕗᓕᐅᖅᑎᐅᔪᒥᒃ.

ᑕᐃᒪ ᐃᓚᐅᔪᒪᓐᓂᕆᑉᓯ ᓯᕗᓕᐅᖅᑎᐅᓂᖅᒥᒃ ᑕᒃᑯᓄᖓ “ᖁᕕᐊᓲᑎᖃᖅᓂᖅ ᐊᓂᒍᐃᓂᖅᒥᒃ ᐃᓗᑉᑎᖕᓂᓗᒃᑕᖅ ᐅᖃᒪᐃᒃᓴᕈᑎᒋᔭᑉᑎᖕᓂᒃ” ᑐᒃᓯᐊᖅᕕᑉᓯᖕᓂ, ᐅᖃᒪᖃᑎᒋᓗᒍ ᐊᔪᕆᖅᓱᐃᔨᖅᔪᐊᕗᑦ ᑎᑎᕋᖅᑎᐊ ᐊᓕᒃᓴᓐᑐᕈ ᐅᕝᕙᓗᓐᓂᑦ ᐊᔪᕆᖅᓱᐃᔨᖅᔪᐊᖅ ᔫᐃ1 ᑕᐃᒪ ᐊᑭᓖᔭᖅᑕᓕᒃ ᑕᒻᒪᑯᐊ ᐃᓕᓴᐅᑎᒃᓴᐃᑦ ᐊᖁᐃᖅᑐᖅᑕᐅᓂᐊᖅᐸᑕ, ᑕᐃᒪ ᐃᓚᐃᑦ ᑐᒃᓯᐊᖅᕖᑦ ᐃᑲᔪᕈᖕᓇᖅᑐᕆᖕᒪᑕ ᐊᑭᓖᔪᖕᓇᖏᑦᑯᑉᓯ.