For the English version of this article, click here.
ᐊᔪᕆᖅᓱᐃᔨᕗᑦ ᐅᑭᐅᖅᑕᖅᑐᒥ ᐅᐱᒍᓱᑦᑎᐊᖅᖢᓂ ᑐᓴᖅᖠᑎᕆᔪᒪᕗᖅ ᐃᓄᖕᓄᑦ ᑕᐃᒻᒪ ᓂᒃ ᑭᒋᐊᖅ ᐅᖅᓱᖅᑐᖅᒥᐅᑕᐅᔪᖅ ᑎᒃᑯᐊᖅᑕᐅᓯᒪᕗᖅ ᐃᓐᓄᓱᒃᑐᓂᒃ ᑲᒪᔨᐅᖁᓪᓗᒍ ᐊᔪᕆᖅᓱᐃᔨᖅᔪᐊᑉᑎᖕᓂ ᐱᓕᕆᖃᑕᐅᔪᒪᓕᖅᒪᑦ. ᓂᒃ ᓱᓕ ᐊᑕᐅᓯᖅᒥᒃ ᐃᓕᓐᓂᐊᒐᒃᓴᒥᓐᓂᒃ ᐃᓂᖅᓯᔭᖃᖅᑐᖅ ᑕᐃᑲᓐᓂ ᐊᔪᕆᖅᓱᐃᔨᐅᓂᖅᒥ ᐃᓕᓐᓂᐊᖅᓂᖅ ᐃᖃᓗᐃᓂ ᔭᓄᐊᕆᒥ, ᑕᐃᒪ ᐃᓂᖅᓯᒍᓂ ᓅᑦᑐᖕᒥᖅᑐᖅ ᔭᓗᓇᐃᒧᑦ ᓴᓇᐅᒐᕆᓂᐊᒃᑲᒥᓂᒃ ᓴᓇᓕᖅᓗᓂ.
“ᓂᕆᐅᒋᑦᑎᐊᖅᐸᕋ ᖁᕕᐊᓱᒃᓱᖓᓗ” ᓂᒃ ᐅᖃᖅᐳᖅ, ᑭᕝᒐᖅᑎᐅᔪᒪᖅ ᐅᖃᖅᕕᐅᓗᓂ ᐃᑲᔪᖅᑐᖅᓗᒋᓪᓗ ᐱᕈᖅᐸᓪᓕᐊᓂᖓᓂᒃ ᐃᓄᓱᒃᑐᓂᒃ ᐊᔪᕆᖅᓱᖅᓗᒋᓪᓗ ᐅᑭᐅᖅᑕᖅᑐᒥ. “ᐅᑉᓗᐊ ᐊᑕᐅᓯᖅ ᖃᖏᖅᑎᓪᓗᒍ ᓂᕈᐊᖅᑕᐅᓯᒪᓚᐅᖅᐳᖓ ᐊᔪᕆᖅᓱᐃᔨᖅᔪᐊᖑᖅᑎᑕᐅᓪᓗᖓ, ᓯᕙᓂᖅᑐᖃᓚᐅᖅᐳᖅ ᐊᐱᕆᑉᓗᓂ ‘ᖃᓄᖅᓕ ᐃᒃᕕᑦ ᐱᓕᕆᐊᕆᔪᒪᖅᑕᑎᑦ ᑕᒻᒪᓐᓇ ᐃᖕᒥᓃᖅᓂᖅᕙ’”, ᐃᖃᐅᒪᕙ ᐊᔪᕆᖅᓱᐃᔨᖅᔪᐊᖅ ᑕᐃᕕᑎ ᐸᐅᓴᓐᔅ. “ᖃᐅᔨᒪᕗᒐ ᓯᕗᓐᓂᐊᓂ ᐱᒋᐊᖅᑎᓪᓗᒍ ᑕᐃᒻᒪ ᐅᕙᒍᑦ ᐱᓕᕆᐊᕆᔭᖃᖅᑕᕗᑦ ᐃᓱᒪᒋᒻᒪᕆᒃᓗᒋᓪᓗ ᐃᓐᓄᓱᒃᑐᐃᑦ, ᑕᐃᒻᒪ ᐃᓐᓄᓱᑐᓕᕆᔨᒥᒃᓗ ᐃᖃᓇᐃᔭᖅᑎᖃᖅᓗᑕ ᐃᑲᔪᖅᑐᖅᓗᒋᓪᓗ ᐃᓄᓱᒃᑐᑦ ᐅᑭᐅᖅᑕᖅᑐᒥ”.
ᓂᒃ ᐃᓕᓐᓂᐊᖅᑎᑕᐅᔪᒻᒥᖅᑐᖅ ᐳᖅᑐᓂᖅᐸᐅᔪᓂᑦ ᑕᑉᓱᒥᖓ ᐃᓕᖓᓗᐊᖅᑐᒥᒃ ᐃᖕᒥᓂᖅᑕᐃᓕᓂᖅᒥᒃ, ᐃᑲᔪᖃᑕᖅᓗᒋᓪᓗ ᐃᓐᓄᓱᒃᑐᑦ ᐅᓂᑉᑲᐅᓯᖃᓕᖅᑎᓪᓗᒋᑦ ᐃᓄᓯᕆᔭᒥᓐᓂᒃ ᐊᒃᓱᕉᑎᒋᔭᒥᓐᓂᒃ ᑕᓐᓇ ᐊᑐᖏᓪᓗᒍ ᐃᖕᒥᓄᑦ ᐃᓗᒥᐅᑕᕆᖏᓪᓗᒍ ᐊᒃᓱᕈᑎᒋᔭᖏᓐᓂᒃ, ᐊᒻᒪᓗ ᑲᑎᖃᑎᒋᖃᑎᒌᖕᓂᖅᒥᒃ ᖃᑎᒪᑎᒌᒃᓗᑎᒃ ᐱᕈᖅᐸᓪᓕᐊᖃᑎᒌᒃᓗᑎᒃᓗ ᐅᒃᐱᖅᓂᐅᑉ ᒥᒃᓴᓄᑦ ᐊᒻᒪ ᐃᖕᒥᖕᓂᒃᓗ ᒪᓕᒃᑎᐅᓕᖅᓗᑎᒃ ᔩᓱᓯᒧᑦ.
“ᑕᒻᒪᒃᑯᐊ ᐊᔪᕆᖅᓱᐃᔨᖅᔪᐊᖃᖅᕕᐅᑉ ᑎᑎᕋᖅᕕᐊᓂ ᑭᕝᒐᖅᑎᐅᕗᖅ – ᑕᓐᓇ ᑎᑎᕋᖅᕕᒃ ᑕᒃᕙᓐᓂᑦᐳᖅ ᑭᕝᒐᖅᑐᐃᖕᒪᑦᑕ ᐊᔪᕆᖅᓱᐃᔨᓕᒪᑦ ᐅᑭᐅᖅᑕᖅᑐᒥ, ᐅᖃᖅᐳᖅ ᐊᔪᕆᖅᓱᐃᔨᓄᑦ ᐃᓚᖏᓐᓄᑦ ᐊᖏᔪᖄᖑᔪᖅ ᐳᕋᐃᔪ”. “ᓂᒃ ᐃᖃᓐᓇᐃᔭᕈᒪᖅ ᐃᓱᒪᒋᓪᓗᐊᖅᓗᒋᑦ ᐃᑲᔪᖅᑐᖅᓗᒋᓪᓗ ᐃᓄᓱᒃᑐᐃᑦ ᐊᔪᕆᖅᓱᖅᑕᐅᓂᖏᓐᓂᒃ ᓴᙱᑦᑎᕙᓪᓕᖅᓗᒋᑦ ᐃᖕᒥᖕᓂᒃᓗ ᒪᑭᑦᐸᓪᓕᖁᓪᓗᒋᓪᓗ, ᐊᒻᒪᓗ ᒎᑎᐅᑉ ᓂᖅᑐᖅᓇᖅᓂᖅᔪᐊᖓᓄᓪᓗ.”
One thought on “ᐊᔪᕆᖅᓱᐃᔨᖅᔪᐊᖃᖅᕕᑉᑎᖕᓂ ᔭᓗᓇᐃᒥ ᐃᓅᓱᒃᑐᓕᕆᔨᐅᔪᒻᒥᖅᑐᖅ ᑎᒃᑯᐊᖅᑕᐅᓯᒪᕗᖅ”