For the English version of this article, click here.

ᑎᑎᕋᖅᑕᖓ ᐊᔪᕆᖅᓱᐃᔨᖅᔪᐊᖅ ᔪᐃ ᕈᐃᐊᓪ, ᐊᑕᙳᕈᖅ ᑕᑉᑯᓇᓂ ᐊᔪᕆᖅᓱᐃᔨᐅᓂᖅᒧᑦ ᐃᓕᓐᓂᐊᖅᕕᒃ, ᐃᖃᓗᐃᓂ, ᑭᓯᐊᓂᒃ ᑭᕝᒐᖅᑐᒐᐃᑦ ᐅᑭᐅᖅᑕᖅᑐᒥᐅᑕᐃᑦ ᐊᖏᕋᕆᔭᒥᓂᑎᓪᓗᒋᑦ ᐃᓕᓐᓂᐊᖅᓂᖅ.

ᑕᐃᑉᓱᒪᓂ 2016 ᖑᑎᓐᓗᒍ, ᐊᔪᕆᖅᓱᐃᔨᐅᓂᖅᒧᑦ ᐃᓕᓐᓂᐊᖅᓂᖅ ᐅᒃᑯᐃᑲᓐᓂᖅᑎᓪᓗᒍ ᐃᖃᓗᐃᓂ, ᐊᑕᐅᓯᕙᓪᓚᖅ ᐃᓱᒪᒋᔭᐅᓪᓗᓂ ᓯᕗᓂᒃᓴᒧᑦ ᐱᔪᒥᒋᔭᐅᓪᓗᓂ ᑕᐃᒪ ᐊᔪᕆᖅᓱᐃᔨᐅᓂᖅᒧᑦ ᐃᓕᓐᓂᐊᖅᑎᑦᑎᓂᖅ ᐃᒪᐃᑦᑑᑎᓪᓗᒍ ᐃᓱᒪᒋᔭᐅᔪᖅ ᐃᓕᓐᓂᐊᖅᕕᐅᖁᓪᓗᒍ ᐊᔪᕆᖅᓱᐃᔨᓄᑦ ᑕᒻᒪᐃᓐᓄᑦ. ᐅᑉᓗᒥᒧᑦ, ᐃᓱᒪᒋᔭᐅᓪᓗᓂ ᐃᓕᓐᓂᐊᖅᕕᐅᖁᓪᓗᒍ ᐃᖃᓗᐃᓂ ᐊᔪᕆᖅᓱᐃᔨᐅᓂᖅᒧᑦ ᐃᓕᓐᓂᐊᖅᓂᖅ ᐊᒻᒪ ᐃᓕᓐᓂᐊᖅᑎᓪᓗᒋᑦ ᐊᖏᕋᕆᔭᖃᖅᓗᑎᒃ ᑕᒃᕙᓐᓂ. ᖃᓂᑦᑐᑰᔪᖅ ᑕᓪᓕᒪᑦ ᒪᓪᕈᒃᓗ ᐃᓕᓐᓂᐊᕈᒻᒥᖅᑐᖅ ᑕᒃᕙᖓᑦ ᐱᒋᐊᖅᓗᒍ 2016 ᒥ. ᓂᖅᑐᖅᑕᐅᓕ ᒎᑎ.

ᑕᒃᑯᐊ ᐃᓕᓐᓂᐊᖅᓂᖅᒧᑦ ᑲᑎᒪᔨᕋᓚᖑᔪᑦ ᑲᑎᑦᑲᓗᐊᖅᒪᑕ ᐅᑭᐊᒃᓴᖅ, ᖃᐅᔨᓚᐅᖅᐳᒍ ᐃᒃᐱᒍᓱᒃᖢᑕᓗ ᑕᐃᒪ ᐊ’ᓚᖑᖅᐸᓪᓕᐊᔪᒪᖅᓂᖏᑦ ᐊᒻᒪ ᐊ’ᓚᖑᕆᐊᖃᖅᑐᓂᒃ ᑕᒃᕙᓐᓂ ᐊᔪᕆᖅᓱᐃᔨᐅᓂᖅᒧᑦ ᐃᓕᓐᓂᐊᖅᕕᖓᓐᓂ ᐊᑑᑎᖃᑎᐊᖁᓪᓗᒍ. ᐅᒃᐱᕈᓱᒃᖢᑕ ᒎᑎ ᓯᕗᓕᐅᕆᓂᖓᓐᓂᒃ ᑕᑯᖑᐊᕆᔭᑉᑎᖕᓂᒃ ᐱᕙᓪᓕᐊᖁᓪᓗᒍ ×ᑕᐃᒻᒪ ᐊᔪᕆᖅᓱᐃᔨᐅᓂᖅᒧᑦ ᐃᓕᓐᓂᐊᖅᕕᒃ ᑕᒪᒃᑯᓄᖓ ᐅᑭᐅᑕᖅᑐᒥᐅᑕᓖᒪᓄᑦ ᐃᓕᓐᓂᐊᖅᑎᑦᑎᕙᓪᓕᐊᖁᓪᓗᒋᑦ. ᑕᒻᒪᓐᓇ ᐱᔾᔪᑎᒋᑉᓗᒍ, ᐃᓱᒪᒋᓕᖅᐸᕗᑦ, ᑕᒃᕙᐅᑎᓪᓗᒍ ᑭᓯᐊᓂ, ᐃᒻᒪᐃᑦᑐᖏᓪᓗᑕ ᑕᒃᕙᓐᓂ ᑭᓯᐊᓂ ᐊᔪᕆᖅᓱᐃᔨᐅᓂᖅᒧᑦ ᐃᓕᓐᓂᐊᖅᕕᖓᓐᓂ ᐃᓕᓐᓂᐊᖅᑎᑦᑎᓂᖅ ᐃᖃᓗᐃᓂ. ᑭᓯᐊᓂᒃᓕ, ᑕᑉᑯᐊ ᐃᖃᓗᐃᓄᑦ ᐊᔪᕆᖅᓱᐃᔨᐅᓂᖅᒧᑦ ᐃᓕᓐᓂᐊᕆᐊᒐᔪᖕᒪᑕ, ᐃᒻᒪᒃ ᐱᔪᒥᓇᖅᓂᖅᓴᐅᓪᕈᕋᒥ ᐊᔪᕆᖅᓱᐃᔨᐅᓂᖅᒧᑦ ᐃᓕᓐᓂᐊᖅᓂᖅ ᐊᖏᕋᕆᔭᒥᓐᓂᒃ ᐃᓕᓐᓂᐊᖅᓂᖅᓴᐅᖁᓪᓗᒋᑦ1 (ᑕᓐᓇ ᐱᒋᐊᕈᒻᒥᖅᑐᖅ ᐊᔪᕆᖅᓱᐃᔨᑲᓴᓐ ᐃᓕᓐᓂᐊᖅᓂᖅ ᐅᑭᐅᖑᓂᐊᖅᑐᒥ ᔭᓐᓄᐊᕆ 2023 ᖃᑉᓗᓇᑎᑐᑦ ᐊᒻᒪ ᓯᑎᒻᐱᕆ 2023 ᖑᓕᖅᐸᑦ ᐃᓄᒃᑎᑐᑦ ᐃᓕᓐᓂᐊᕈᒻᒥᖅᑐᑦ). ᑕᓐᓇ ᐃᓕᓐᓂᐊᖅᓂᖅ ᐊᔪᕆᖅᓱᐃᔨᑲᓴᓐ ᖃᕆᑕᐅᔭᑯᑦ, ᑏᕕᑯᑎᑐᑦ ᐊᒻᒪ ᑲᑎᒻᒪᕆᒃᓗᑎᒃ ᐅᑉᓗᕆᔪᓄᑦ ᒪᓪᕈᖕᓂᒃ ᐅᑭᐅᖑᔪᒥ ᑕᒃᕙᓐᓂ ᑕᑉᑯᓇᓂ ᐃᖃᓗᐃᓂ ᐊᒻᒪ ᔭᓗᓇᐃᒥ. ᖃᐅᔨᒪᓕᖅᐳᒍᑦ ᐊᒻᒥᓱᓂᖏᓐᓂᒃ ᐊᔪᕆᖅᓱᐃᔨᑲᓴᐅᓂᖅᒧᑦ ᐅᑭᐅᖅᑕᖅᑐᓕᒪᒥ ᐊᒻᒪ ᑕᑕᑎᒐᒃᓴᐃᑦ ᐊᖕᒪᖅᓯᒪᓕᖅᐳᑦ.

ᑕᓐᓇ ᐱᒋᐊᕈᑕᐅᔪᖅ ᐃᓕᓐᓂᐊᖅᑎᑦᑎᓂᖅᒥᒃ ᐃᓄᖕᓄᑦ ᑐᑭᓯᒪᓐᓇᖅᓂᖅᓴᐅᖁᓪᓗᒍ. ᐃᒻᒪᐃᑦᑐᖏᓪᓗᓂ, “ᖃᑉᓗᓇᑦ ᓄᓇᖓᓐᓂᑦ” ᐃᓕᓐᓂᐊᖅᓂᖏᓐᓂᒃ ᐅᑭᐅᖅᑕᖅᑐᒥᐅᑕᓄᑦ, ᐱᒋᐊᕈᑎᒋᔪᒻᒦᖅᑕᕗᑦ ᐱᔪᖕᓇᐅᑎᐅᑎᓪᓗᒋᑦ ᐅᑭᐅᖅᑕᖅᑐᒥᐅᑕᐃᑦ ᑐᑭᓯᔪᖕᓇᒐᖓᓐᓂᒃ. ᑕᓐᓇ ᐊᐱᖁᑎᒋᖏᓪᓗᒍ, “ᖃᓄᐃᑦᑐᓂᒃᓕᑭᐊᖅ ᐃᓕᓐᓂᐊᒐᐅᔪᖕᓇᖅᑐᓂᒃ ᐃᓚᓕᐅᑎᓂᐊᖅᐱᑕ” ᐊᐱᕆᓗᑕ ᐱᐅᓂᖅᓴᐅᖕᒪᑦ “ᖃᓄᐃᑦᑐᓂᒃᓕᐱᔪᖕᓇᐅᑎᓂᒃ ᐊᒻᒪ ᑐᑭᓯᐅᒪᔪᖕᓇᒐᐃᓐᓂᒃ ᖃᐅᔨᒪᑦᑎᐊᖅᓗᒋᑦ ᐅᑭᐅᖅᑕᖅᑐᒥᐅᑦ ᐃᓄᖏᑦ ᐱᓯᒪᔭᖃᖅᐸᑦ ᐊᔪᕆᖅᓱᐃᖃᑕᖅᓂᐊᖅᐸᑕ ᖃᐅᔨᒪᔭᒥᓐᓂᒃ ᐊᑐᖅᓗᑎᒃ ᐅᕝᕙᓗ ᐃᓕᓐᓂᐊᒃᑲᒥᓐᓂᒃ ᐊᑐᖅᓗᑎᒃᕙ”ᑕᒻᒪᑯᐊ ᐊᐱᖁᑎᒋᓚᐅᒃᑲᕗᑦ ᐃᓱᒪᒃᓴᖅᓯᐅᖅᑎᓪᓗᑕ ᑕᒃᑯᐊ ᐱᐅᓂᖅᓴᐅᓇᓱᒋᔭᕗᑦ, ᐊᒻᒪ ᐃᓪᓗᐊᖅᓴᖅᖢᑎᒍᓗ ᐊᕕᒃᑐᒃᓯᒪᐅᑎᓪᓗᒋᑦ ᐃᓕᓐᓂᐊᒐᒃᓴᐃᑦ ᐱᕙᓪᓕᕈᑕᐅᓇᓱᒋᔭᑉᑎᖕᓂᒃ.

ᑕᓐᓇ ᐱᐅᓂᖅᓴᐅᓪᕈᕈᒪᖅ ᐃᓕᓐᓂᐊᖅᑎᑦᑎᓂᖅᒧᑦ ᐅᑭᐅᖅᑕᖅᑐᒥᐅᑕᐅᔪᓄᑦ ᐅᕙᒻᓄᑦ ᐊᒃᑐᐃᓯᒪᖕᒪᑦ, ᑕᐃᒪ ᐅᑭᐊᒃᓴᐅᑎᓪᓗᒍ, ᑕᒃᑯᐊ ᐃᓕᓐᓂᐊᖅᑎᑦᑎᓂᖅᒧᑦ ᑲᑎᒪᔨᕋᓚᖑᔪᑦ ᑲᑎᒪᓲᑕᕆᑎᓪᓗᒋᑦ ᖃᕆᑕᐅᔭᕋᓚᑯᑦ ᑎᕖᖅᐸᓗᒃᑐᒃᑯᑦ ᑲᑎᒪᑎᖃᖅᑎᓪᓗᒋᑦ ᐊᑕᙳᔪᒥᒃ ᑕᒃᕙᓐᓂ ᐊᑎᓕᖕᒥᒃ St. Miletus ᐃᓕᓐᓂᐊᖅᕕᐅᔪᖅ ᑕᐃᑲᓐ England ᒥ. St. Miletus ᐊᖕᒪᓚᐅᖅᑐᖅ ᐊᕋᒍᐃᑦ ᐊᓂᒍᖅᓯᒪᓕᖁᖅᑐᑦ 15. ᐊᒻᒪᐱᕈᖅᐸᓪᓕᐊᓂᖓᓐᓂᒃ ᑕᑯᒃᓴᐅᕗᖅ ᐃᓕᓐᓂᐊᖅᑎᑎᓂᖏᓐᓂᒃ ᑕᐃᑉᓱᒪᓂᐅᙵᓂ. ᑕᓐᓇᓗ ᐃᓕᓐᓂᐊᖅᕕᒃ ᐃᓱᒪᖃᓚᐅᖅᓯᒪᕗᓪᓗ ᐊ’ᓚᑦᕿᖑᔪᓂᒃ ᐃᓕᓐᓂᐊᖅᑎᑎᓂᖅᒥᒃ ᐊᒻᒪ ᐊᔪᕆᖅᓱᐃᔨᐅᓂᖅᒧᑦ ᐃᓕᓐᓂᐊᖅᑎᑎᓂᖅᒥᒃᓗ. ᑕᒻᒪᓐᓇ ᐅᖃᐅᓯᐅᑎᓪᓗᒍ ᑕᓐᓇ ᐊᑕᙳᕈᖅ ᐅᖃᓚᐅᖅᐳᖅ: “ᑕᒃᑯᐊ ᐊᔪᕆᖅᓱᐃᔨᐅᓂᖅᒧᑦ ᐃᓕᓐᓂᐊᖅᕖᑦᐃᓕᓐᓂᐊᖅᑎᑦᑎᓲᖑᓚᐅᖅᑐᑦ ᐃᒻᒪᐃᑦᑑᔭᖅᑐᓂᒃ St. Pauls”. ᐸᐅᓕ ᐃᒻᒪᐃᑦᑐᒐᓗᐊᖅᒪᑦ ᐃᓕᓐᓂᐊᒃᑲᒥᓐᓂᒃ ᐊᒃᓱᕈᖅᓱᓂ ᐃᓕᓐᓂᐊᓚᐅᖅᓯᒪᖕᒪᑦ, ᐃᓕᓐᓂᐊᖅᓯᒪᑦᑎᐊᖅᖢᓂᓗ ᐊᒻᒪ ᐃᓕᓐᓂᐊᖅᑎᑕᐅᑎᐊᖅᓯᒪᑉᓗᓂ, ᑕᓐᓇ ᐱᐅᔫᓪᓗᓂ ᐊᒻᒪ ᐱᒻᒪᕆᐅᓪᓗᓂᓗ, ᑭᓯᐊᓂᒃᓕ ᐅᕙᒍᑦ ᐃᓱᒪᒋᕙᓪᓕᐊᕙᕗᑦ ᐃᓕᓐᓂᐊᖅᑎᑦᑎᔭᖃᓕᖅᐳᒍᑦ ᐲᑕᐅᔪᓂ St. Peter. ᐃᖃᓗᒃᓯᐅᖅᑎᐅᓚᐅᖅᐳᖅ, ᐊᒻᒪ ᔩᓱᓯ ᐱᕈᖅᑎᓚᐅᖅᐸ ᒎᑎᐅᑉ ᐅᖃᐅᓯᖏᓐᓂᒃ ᐅᒃᐱᖅᓂᒃᑯᑦ ᐸᑎᒻᒥᑉᓗᓂᐅᒃ ᐃᓕᓐᓂᐊᖅᑎᑦᑎᔨᐅᓂᖅᒧᒃ ᐃᓄᖕᓄᑦ ᐊᒥᓱᓂᒃ, ᑕᓐᓇᐅᖏᑦᑐᒧᑦ ᐸᐅᓗᓯᒧᑦ.”

ᐃᓱᒪᒋᓚᐅᑲᕝᕗᑦ: ᑕᒃᑯᐊ ᐅᑭᐅᖅᑕᖅᑐᒥᐅᑕᐅᔪᑦ ᐊᒥᓱᐊᓗᖕᓂᒃ ᐲᑕᐅᔪᑐᑦ ᐃᓄᖃᖅᒪᑦ1 ᐃᒻᒪᒃ ᐅᖃᐅᓯᕆᔪᖕᓇᒃᑲᕗᑦ ᐅᑭᐅᖅᑕᖅᑐᒥᐅᑦ ᐃᓄᓕᒃ ᓯᕗ’ᑎᑎᔪᖕᓇᖅᑐᓂᒃ ᐱᓪᓚᒃᑕᖅᓗᑎᒃ ᐃᓄᖕᓂᒃ, ᐃᒻᒪᐃᑦᑐᑎᓪᓗᒋᑦ ᓴᕿᖅᑎᑕᒥᓐᓂᒃ ᑕᑯᒥᓇᑦᑎᐊᖅᓗᑎᒃ ᑕᓐᓇ ᐊᑐᖏᓐᓂᖅᓴᐅᖏᓪᓗᒍ ᐃᓕᓐᓂᐊᖅᓯᒪᓂᓕᒃ ᐳᖅᑐᓂᖅᐸᐅᑎᓪᓗᒍ ᐃᓕᓐᓂᐊᖅᓂᖅᒥᒃ. ᑕᐃᒻᒪ ᐅᑭᐅᖅᑕᖅᑐᒥᐅᑦ ᐃᓐᓄᓕᒃ ᐃᖃᓗᒃᓯᐅᖅᑎᑦᑎᔨᐅᔪᓂᒃ ᐊᖑᑎᓂᒃ (ᐊᒻᒪ ᐃᖃᓗᒃᓯᐅᖅᑎᑦᑎᔨᐅᔪᓂᒃ ᐊᖅᓇᓂᒃᓗ!).

ᑕᓐᓇ ᐱᒋᐊᕈᑎᒋᕙᕗᑦ ᐱᒻᒪᕆᐅᑎᓪᓗᒍ, ᑕᕿᑦ ᐊᒥᓱᖏᑎᓪᓗᒋᑦ, ᖁᕕᐊᓇᖅᖢᓂᓗ ᐱᔪᒥᓇᖅᑎᓪᓗᒍᓗ ᐊᔪᕆᖅᓱᐃᓂᖅᒥᒃ ᐊᒻᒪ ᐃᓕᓐᓂᐊᖅᑎᑦᑎᓂᖅᒥᒃ. ᑐᒃᓯᐊᖅᓂᒃᑯᑦ ᐃᖃᐅᒪᔭᐅᔪᒪᕗᒍᑦ1 ᐊᒻᒪ ᐃᒃᕕᑦ ᐅᖃᓕᒪᖅᑐᑎᑦ ᑕᑉᓱᒥᙵ ᒪᖅᐱᕋᑉ ᐃᓚᖏᓐᓂ ᐃᒃᐱᒋᔭᖅᓂᒃ, ᑐᓐᓂᓯᔪᖕᓇᖅᐳᑎᑦ ᐃᑲᔫᑕᐅᔪᖕᓇᖅᑐᒥᒃ ᑕᑉᓱᒥᖓ ᐱᒋᐊᕈᑎᒋᓇᓱᐊᒃᑲᑉᑎᖕᓂᒃ ᑐᓐᓂᓯᓗᑎᒃ ᑕᑉᑯᐊ ᐊᑉᖁᑎᒋᓗᒋᑦ ᐊᔪᕆᖅᓱᐃᔨᖅᔪᐊᕗᑦ ᐊᒃᓚᒃᕕᖓᓐᓂ. ᐅᕙᒍᑦ ᐊᑭᓕᖅᑐᐃᑎᖏᓐᓇᑉᑎᒍ ᑕᒃᑯᐊ ᐃᓕᓐᓂᐊᖅᑐᓂᒃ; ᐃᒻᒪᒃᓕ ᐅᒃᐱᕆᓂᖅᓴᐅᔭᕗᑦ ᐊᑕᓐᓂᕗᑦ ᑲᒻᒪᒋᔪᖕᓇᒐᖏᓐᓂ ᑕᒻᒪᑯᐊ ᐊᑭᓕᕆᐊᓖᑦ ᖃᕆᑕᐅᔭᒃᑯᕈᑎᑦ, ᑎᖕᒥᓲᑯᑦ ᐃᖏᕋᓂᕆᓂᐊᒐᖏᓐᓂ ᓄᓇᒋᔭᒥᓐᓂᑦ ᑲᑎᑦᑕᖅᕕᐅᔪᒪᖅᑐᓄᑦ ᐃᖃᓗᐃᓂ ᐅᕝᕙᓗᓐᓂᑦ ᔭᓗᓇᐃᒧᑦ, ᐊᒻᒪᓗ ᑕᒻᒪᑯᐊ ᒪᖅᐱᕋᐃᑦ ᐊᒥᓱᓕᐅᒐᐅᖏᓐᓂᒃ. ᐊᑕᓂᕗᑦ ᒎᑎ ᖃᐃᑦᑎᓲᖑᖕᒪᑦ ᐊᑐᕆᐊᖃᖅᑕᑉᑎᖕᓂᒃ ᐊᒻᒪ ᐃᓱᒫᓗᙱᓪᓗᑕ ᓱᓕᒃᑲᓐᓂᖅ ᖃᐃᑦᑎᔪᒪᖅᓂᖓᓐᓂᒃ ᐊᑐᕆᐊᖃᖅᑕᑉᑎᖕᓂᒃ.