For the English version of this article, click here.

ᒦᓯᐊᓪ ᓗᑲᔅ, ᐊᔪᕆᖅᓱᐃᔨᖅᔪᐊᖃᖅᕕᖕᒥ ᑮᓇᐅᔭᓕᕆᔨᐅᑉ ᑎᑎᕋᖅᑎᖓ

ᐅᑭᐅᑦ ᐱᖓᓱᓂᒃ Holy Trinity ᐊᖕᓕᑲᒥᐅᑦ ᑐᒃᓯᐊᖅᕕᖓᑦ ᔭᓗᓇᐃᒥ ᑮᓇᐅᔭᓂᒃ ᑲᑎᖅᓱᐃᓂᒃᑯᑦ ᐱᕈᖅᑎᑎᓚᐅᖅᓯᒪᖕᒪᑦᑕ ᑰᒃᑎᑐᑦ ᐃᑲᔪᖅᑐᐃᑉᓗᑎᒃ ᑕᑉᓱᒥᖓ ᐊᔪᕆᖅᓱᐃᔨᐅᓂᖅᒧᑦ ᐃᓕᓐᓂᐊᖅᑐᖅ ᐊᑎᓕᒃ ᓕᓯ (Lizzie Kankhokwe) ᑕᒃᕙᖓᖅᖢᓂ ᓄᓇᓕᐅᔪᒥ ᓄᓇᖓᓐᓂ Lilongwe, Malawi. ᖠᓯ ᓯᕗᓂᒃᓴᐅᔪᒥ ᐊᔪᕆᖅᓱᐃᖃᑕᕈᒪᓕᖅᑐᖅ ᐃᓕᓐᓂᐊᖅᓯᒪᖕᒪᑦ ᓄᓇᓕᐅᔪᒥ Kapsowar ᐃᓕᓐᓂᐊᖅᕕᖓᓐᓂ ᐊᔪᕆᖅᓱᐃᔨᐅᓂᖅᒧᑦ ᐃᓕᓐᓂᐊᖅᕕᒃ Kenyaᒥ. ᐃᓱᒪᒋᙳᐊᖅᓗᒍ, ᒥᑭᑦᑐᑯᓗᑎᓪᓗᒍ ᑭᓯᐊᓂᒃ ᐅᒃᐱᖅᓂᒃᑯᑦ ᑐᒃᓯᐊᖅᕕᒃ ᐅᑭᐅᖅᑕᖅᑐᒥ ᐃᑲᔪᖅᑐᐃᓂᖃᖅᑐᑦ ᓯᕗᓂᒃᓴᐅᔪᒥ ᐊᔪᕆᖅᓱᐃᔪᒃᓴᓂᒃ ᑕᒃᕙᓐᓂ Africaᒥ! ᖁᕕᐊᓇᒻᒪᕆᒃᑎᓪᓗᒍ ᑭᓯᐊᓂᒃ, ᐅᑭᐅᑦ ᐱᖓᓱᓕᖅᑐᑦ ᐊᒃᓱᕈᖅᖢᓂ ᐃᓕᓐᓂᐊᖅᑐᖅ ᓕᓯ ᐊᒻᒪ ᐊᓯᖏᑦ ᑉᙳᔪᑦ ᐃᓕᓐᓂᐊᖃᑕᐅᑎᓪᓗᒋᑦ ᐃᓕᓐᓂᐊᒃᑲᒥᓐᓂᒃ ᐃᓂᖅᓯᔪᑦ ᓄᕕᒻᐱᕆ 13, 2022ᒥ. ᖁᕕᐊᓲᑎᖃᖅᓗᑎᒃ ᓕᓯᐅᑉ ᐃᓕᓐᓂᐊᒃᑲᒥᓐᓂᒃ ᐃᓂᖅᓯᓂᖓᓐᓂᒃ, ᑕᒃᑯᐊ Holy Trinity ᑐᒃᓯᐊᖅᕕᖓᓐᓂᖓᖅᑐᑦ ᖃᐃᖁᔭᐅᓯᒪᓚᐅᖅᑐᑦ ᐃᓚᓕᐅᖅᓯᖁᔭᐅᓪᓗᑎᒃ ᐃᓕᓐᓂᐊᒃᑲᒥᓐᓂᒃ ᐃᓂᖅᓯᔪᓂᒃ. ᑕᑉᑯᐊ ᑐᓂᓯᓚᐅᖅᑐᑦ ᑐᓐᓂᕈᓯᑎᒍᑦ ᑐᒃᓯᐊᖅᕕᒃ Holy Trinity, ᐊᔪᕆᖅᓱᐃᔨ ᐳᕋᐃᔭᓐ )ᐊᐃᒡ, ᑎᓚᐃᓚ ᑐᒃ, ᒦᓯᐊᓪ ᓗᑲᔅ ᐊᒻᒪ ᑕᐃᕕᑎ ᓗᑲᔅ ᑕᕗᖓ ᐸᕐᓇᒃᐸᓪᓕᐊᓕᓚᐅᖅᐳᑦ Kenyaᒥ.

ᑕᐃᒻᒪ ᑎᖕᒥᓲᒃᑯᑦ ᑎᖕᒥᓚᐅᖅᑎᓪᓗᒋᑦ ᐃᑲᕋᓂᒃ ᑉᕐᓂᒃ ᐊᓯᑯᑦ ᑎᖕᒥᓲᓂᒃ ᓯᑕᒪᓂᒃ ᐃᑭᖃᑕᓚᐅᖅᑎᓪᓗᒋᑦ ᐊᒻᒪᓗ ᐊᒃᓴᓗᑎᒃᑯᑦ ᐃᖏᕋᖃᑕᓚᐅᖅᖢᑎᒃᓗ ᐃᑲᕋᓂᒃ ᒪᓪᕈᖕᓂᒃ ᑎᑭᓚᐅᖅᓯᒪᕗᑦ ᓄᓇᓕᐅᔪᒧᑦ ᐊᑎᓕᖕᒥᒃ Kapsowarᒥᑦ ᓄᕕᒻᐱᕆ ᙳᑎᓪᓗᒍ. ᐊᓯᖏᓐᓂᒃᓗ ᑲᓇᑕᒥᐅᑕᐅᔪᓂᒃ ᐃᖃᓐᓇᐃᔭᖅᑐᓂᒃ ᐊᓐᓂᐊᖅᕕᖏᓐᓂ ᐃᓕᓐᓂᐊᖅᕕᐅᑎᓪᓗᒍ ᐊᓐᓂᐊᖅᕕᒃ ᖃᓂᒋᔭᖓᓐᓂ ᐊᔪᕆᖅᓱᐃᔨᐅᓂᖅᒧᑦ ᐃᓕᓐᓂᐊᖅᕕᐅᔪᒥᑦ. ᐅᑉᓚᖅ ᑕᒻᒪᑦ ᐃᓚᐅᕙᓚᐅᖅᑐᒍᑦ ᑐᒃᓯᐊᖅᑎᓪᓗᒋᑦ ᐃᓕᓐᓂᐊᖅᕕᐅᔪᑉ ᐃᓚᖓᓐᓂ ᑕᑉᑯᐊ ᐃᓕᓐᓂᐊᖅᑑᒃ ᓂᑭᑦᑕᖅᖢᑎᒃ ᓯᕗᓕᐅᖅᑎᐅᓪᓗᑎᒃ ᑐᒃᓯᐊᖅᑎᓪᓗᒋᑦ. ᑎᓚᐃᓚ ᑐᒃ, ᐃᑲᔪᖅᑎᐅᖃᑕᐅᔪᖅ ᑕᒃᕙᓐᓂ Holy Trinity ᐊᖕᓕᑲᒥᐅᑦ ᑐᒃᓯᐊᖅᕕᖓᓐᓂ ᔭᓗᓇᐃᒥ, ᐅᖃᓪᓚᖁᔭᐅᓚᐅᖅᐳᖅ ᑕᑉᑯᓄᖓ ᐃᓕᓐᓂᐊᖅᑐᓄᑦ ᐃᓕᓐᓂᐊᒃᑲᒥᓐᓂᒃ ᒥᒃᓴᓄ, ᐊᒻᒪᓗ ᒦᓯᐊᓪ ᓗᑲᔅ (ᑮᓇᐅᔭᓕᕆᔨᐅᔪᖅ ᑕᒃᕙᓐᓂ Holy Trinity ᐊᖕᓕᑲᒥᐅᑦ ᑐᒃᓯᐊᖅᕕᖓᓐᓂ ᐊᒻᒪᓗ ᑮᓇᐅᔭᓕᕆᔨᐅᑉ ᑎᑎᕋᖅᑎᒋᔭᖓᓪᓗ ᐊᔪᕆᖅᓱᐃᔨᖅᔪᐊᖃᖅᕕᖕᒥ) ᐅᖃᓪᓚᖁᔭᐅᓚᐅᐳᖅ ᑲᒻᒪᓇᖅᓂᖓᓐᓂᒃ ᑐᒃᓯᐊᖅᕖᑦ ᑮᓇᐅᔭᖁᑕᐃᑦ ᑎᑎᖃᖁᑕᐃᓐᓂᒃ ᒥᒃᓴᓄᑦ.

ᑕᑰᑉᑲᒐᐅᓪᓗᑕ ᐊᔪᕆᖅᓱᐃᔨᐅᓂᖅᒧᑦ ᐃᓕᓐᓂᐊᖅᕕᖓᓐᓂᒃ ᑕᑉᓱᒥᖓᓪᓗ ᒪᖅᐱᕋᖃᖅᕕᖓᓐᓂᒃ ᑕᑯᓪᓗᑕ, ᐃᓕᓐᓂᐊᖅᑐᐃᑦ ᐊᖏᕋᕆᔭᖏᓐᓂᒃ, ᐅᓚᑉᕿᕕᖓᓐᓂᒃᓗ ᐊᒻᒪᓗ ᓂᖅᖠᐅᖅᕕᒋᔭᖓᓐᓂᒃᓗ. ᑕᓐᓇ ᐃᓕᓐᓂᐊᖅᕕᒃ ᑮᓇᐅᔭᓂᒃ ᑲᑎᖅᓱᐃᓇᓱᒃᑐᑦ ᑕᑉᓱᒥᖓ ᓂᖅᖠᐅᖅᕕᖃᖁᓪᓗᒍ ᐃᓕᓐᓂᐊᖅᕕᖓᑦ. ᑕᒃᕙᐅᔪᖅ ᓂᖅᖠᐅᖅᕕᖓᑦ ᓯᕐᓗᐊᖅᒥᒻᒪᑦ ᓴᕝᕕᐅᓪᓗᓂᓗ ᐃᒡᓗᖅᔪᐊᑉ ᖃᓂᖓᓂᑎᓪᓗᒍ ᐃᒃᐸᑎᖃᖅᑎᓪᓗᒍᓗ, ᓯᐅᖅᔪᖃᖅᖢᑎᒃᓗ ᕿᔪᒃᑐᖅᑐᒥᒃ ᐊᒻᒪᓗ ᐃᒡᓗᖅᔪᐊᑉᓗ ᐊᑕᓂ ᖃᑦᑕᐅᔭᖃᖅᖢᓂ ᑕᒻᒪᒃᑯᐊ ᖃᓪᓗᑏᑦ, ᐅᖅᕖᑦ, ᐊᒃᓕᕋᐅᔭᐃᓪᓗ ᑲᐳᕋᐅᑎᓪᓗ, ᐊᓘᑎᓪᓗ ᐊᒻᒪ ᓴᕖᑦ ᐅᐊᖅᕕᒋᔭᐅᔪᑦ ᑕᑉᑯᓄᖓ. ᑭᓯᐊᓂᒃᓕ ᑕᓐᓇ ᓂᖅᖠᐅᖅᕕᒃ ᐃᓂᖃᖅᕕᖃᑎᐊᖅᓇᓐᓂ, ᐊᒥᓱᐃᖅᑕᖅᖢᑕ ᓂᖅᖠᐅᕈ’ᔭᐅᔪᒧᒍᑦ ᑕᒃᕙᓂᓲᑕᕆᑎᓪᓗᑕ.

ᑕᐃᒻᒪᓗ ᐳᓚᕋᖅᑎᑕᐅᓪᓗᑕ ᓄᑕᖃᓄᑦ ᐃᓕᓐᓂᐊᖅᕕᒃ ᐅᒃᐱᖅᑐᓂᒃ ᐊᐅᓚᑕᐅᔪᒥᒃ ᑕᐃᒪ ᐊᔪᕆᖅᓱᐃᔨᕗᑦ ᐳᕋᐃᔭᓐ )ᐊᐃᒡ ᑐᓂᓯᓚᐅᖅᑐᖅ ᐃᓕᓐᓂᐊᖅᕕᐅᔪᓂᒃ ᐊᒥᓱᕙᓪᓚᖏᑦᑐᓂᒃ ᒧᖅᐸᖕᒥᒃ ᑕᒃᑯᓄᖓ ᓄᑕᖃᓄᑦ. ᑕᑯᓪᓗᒋᑦ ᑕᒃᑯᐊ ᓄᑕᖃᑦ ᑮᓇᖏᑦ ᖁᕕᐊᓱᒃᑐᑦ ᑐᓂᔭᐅᖕᒪᑕ!

ᐊᔪᕆᖅᓱᐃᔨ ᐳᕋᐃᔭᓐ ᖃᐃᖁᔭᐅᓚᐅᖅᑐᖅ ᐅᖃᓪᓚᖃᑕᐅᖁᔭᐅᑉᓗᓂ ᐃᓕᓐᓂᐊᖅᑐᑦ ᐃᓕᓐᓂᐊᒃᑲᒥᓐᓂᒃ ᐃᓂᖅᓯᑎᓪᓗᒋᑦ, ᐊᔪᕆᖅᓱᐃᔨᐅᓂᖅᒧᑦ ᑐᕋᖅᐸᓪᓕᐊᔪᓂᒃ. ᐊᒻᒥᓱᐊᓗᐃᑦ ᐃᓄᖏᑦ 100 ᖃᖏᐅᒪᑎᓪᓗᒍ ᐃᓚᓕᐅᖅᓯᔭᖅᑐᓚᐅᖅᑐᑦ ᓯᓚᒥ ᐃᓕᓐᓂᐊᒃᑲᒥᓐᓂᒃ ᐃᓂᖅᓯᔪᑦ ᖁᕕᐊᓲᑕᐅᑎᓪᓗᒋᑦ. ᖁᕕᐊᓲᑕᐅᔪᑦ ᐃᓕᓐᓂᐊᒃᑲᒥᓐᓂᒃ ᐃᓂᖅᓯᔪᑦ ᑕᓪᓕᒪᓂᒃ ᐃᑲᕋᓂᒃ ᖁᓐᓂᐊᒐᐅᓚᐅᖅᑐᑦ, ᐊᒻᒥᓱᓪᓗ ᓇᖏᖅᑐᑦ ᐃᒃᓯᕙᐅᑕᖃᑎᐊᖏᓚᒥᓄᑦ.

ᐊᖃᒍᙳᖅᒪᑦ, ᑕᒃᕗᖓ ᐅᑎᖅᐳᒍᑦ Kenyaᐅᑉ ᐊᖓᔪᖃᖅ ᓄᓇᒋᔭᐅᔪᖅ ᐊᑎᓕᖕᒥᒃ Nairobi, ᑕᓐᓇ ᐃᓚᐅᑎᓪᓗᒍ ᓕᓯ ᐊᖏᕋᕆᔭᒥᓄᑦ ᓄᓇᖓᓐᓄᑦ ᐃᖏᕋᕙᓪᓕᐊᑎᓪᓗᒍ ᐊᑎᓕᖕᒥᒃ Malawi. ᐊᐱᕆᔭᐅᓕᖅᐳᖅ ᓕᓯ, ᓱᓇᒥᒃ ᐃᖃᓐᓇᐃᔭᕈᒪᓕᖅᐱᑦ, ᑭᐅᓚᐅᖅᐳᖅ ᐅᑉᓗᐃᑦ ᐊᒻᒥᓱᕙᓪᓚᖏᑦᑐᓂᒃ ᓄᖃᖓᑲᓐᓄᐊᕈᒪᑉᓗᓂ, ᑕᓐᓇ ᐱᓕᕆᐊᕆᔪᒪᓪᓗᓂᐅᒃ ᐊᖅᓇᐃᑦ ᐊᒻᒪ ᓄᑦᑕᖃᓄᑦ ᐊᔪᕆᖅᓱᐃᕙᓪᓕᐊᓂᖅᒥᒃ.

ᑕᒃᑯᐊ ᑐᖓᓐᓇᖅᓂᖏᑦ ᐊᒻᒪ ᑕᑯᒥᓇᖅᓂᖏᑦ ᐃᓄᖏᑦ ᑕᒃᕙᓐᓂ ᓄᓇᓕᒃ ᐊᑎᓕᖕᒥᒃ Kapsowar ᐊᒻᒪᓗ ᐃᓕᓐᓂᐊᖅᕕᒋᔭᐅᔪᒥ ᐅᒻᒪᑎᑉᑎᖕᓂᒃ ᐊᒃᑐᐃᓚᐅᖅᐳᖅ ᐃᒪᓐᓇᒻᒪᕆᒃ. ᑐᑭᓯᕙᓪᓕᐊᕗᒍᑦ ᓱᖕᒪᑦ ᐃᑲᔪᖅᑐᖅᑕᐅᔪᒪᓂᖓ ᑕᓐᓇ ᐃᓕᓐᓂᐊᖅᕕᖓᑦ ᐊᒻᒪᓗ ᐊᔪᕆᖅᓱᐃᓂᖓᓐᓂᒃ ᐃᓄᒋᔭᐃᓐᓄᑦ. ᐊᒥᓲᓗᐊᖅᑐᑦ ᓴᐃᒪᓇᖅᑐᒃᑯᑦ ᐊᑉᖁᓴᖅᓯᔪᖕᓇᕋᑉᑕ ᐅᑭᐅᖅᑕᖅᑐᒥᐅᑕᐅᑎᒍᑦ ᐊᒻᒪᓗ ᓯᓚᖅᔪᐊᓕᒫᒥᐅᓄᑦ1 ᐃᑉᕈᕈᑉᑎᖕᓂ ᑎᑎᕋᖅᓯᒪᖕᒪᑦ: “ᐊᓐᓂᕈᓱᙱᑦᑐᖅ ᐊᒃᖢᐃᓕᓂᐊᖅᐳᖅ, ᐃᒥᖅᑎᑦᓯᔪᖅᓗ ᐃᒥᖅᑎᑕᐅᓂᐊᕆᓪᓗᓂ.” ᓲᓗᒨᓂᐅᑉ ᐅᖃᓪᓚᖕᓂᖏᑦ 11:25.

ᐃᓚᐅᖃᑕᐅᔪᒪᓐᓂᐊᖅᐱᑦ ᑕᒃᑯᓄᖓ ᐅᑭᐅᖅᑕᖅᑐᒥ ᐊᔪᕆᖅᓱᐃᑎᒍᑦ ᓄᓇᓕᐅᔪᓄᑦ ᐊᐅᓪᓚᖃᑕᐅᓂᖅᒥᒃᕙ ᑐᓴᖅᕕᒋᓗᒋᑦ ᐃᓄᐃᑦ ᓄᓇᖓᓐᓂ ᑲᑎᒪᓂᖅᔪᐊᖅ ᐊᒡᓚᒃᕕᖓᑦ!