For the English version of this article, click here.

ᐊᔪᕆᖅᓱᐃᔨ ᐸᐲ ᓇᑰᓚᒃ ᖁᕕᐊᓱᒃᐳᖅ ᐃᓐᓄᑐᖃᖅᕕᒃᑯᑦ ᐃᒡᓗᖁᑎᖓᓐᓄᑦ ᓅᑦᑐᖕᒦᖅᒪᑦ ᑰᔾᔪᐊᒥ.

ᐊᔪᕆᖅᓱᐃᔨᖅᔪᐊᖅ ᐊᓐᓂ ᐊᐅᓪᓚᓚᖅᑐᖅ ᕕᕝᕈᐊᕆᐅᑎᓪᓗᒍ ᖁᐊᖅᑕᖅᒧᑦ ᐸᑉᑎᑦᑎᔭᖅᑐᖅᖢᓂ, ᑕᐃᒻᒪᓗ ᓅᑕᓂᒃ ᑐᒃᓯᐊᖅᕕᓕᕆᔨᑯᓐᓄᑦ ᑲᑎᒪᔨᐅᔪᒃᓴᓂᒃ ᑐᒃᓯᐅ’ᔨᔭᖅᑐᓚᐅᖅᑐᖅ, ᐊᒻᒪᓗ ᐴᓚᓚᐅᖅᑕ ᐸᐲ ᓇᑰᓚᒃ (ᐊᔪᕆᖅᓱᐅᔨᐅᓂᖅᒧᑦ ᓄᖃᖓᓕᖅᑐᖅ ᑕᐃᒻᒪᓗ ᐅᑦᑕᕿᔪᖅ ᐃᓂᒃᓴᒥᓂᒃ ᑕᒃᕙᓐᓂ ᐃᓂᖅᓂᑐᖃᖅᕕᒃᑯᑦ ᐃᒡᓗᖓᓐᓂ ᑰᔾᔪᐊᖅᒥ).

ᐊᔪᕆᖅᓱᐃᔨ ᐃᓴᐅ ᑕᑕᑐᐊᐱᒃ ᓅᑎᑕᐅᓯᒪᕗᖅ ᐳᕗᓐᓂᖅᑐᒧᑦ ᑕᐃᒻᒪᓗ ᓄᓇᓕᖕᓄᑦ ᖃᓐᓂᒋᔭᖓᓐᓄᑦ ᐊᖓᔪᖃᖑᖅᑎᑕᐅᓯᒪᕗᖅ ᑕᑉᑯᓄᖓ ᑕᓯᐅᔭᖅᔪᐊᑉ ᓯᒡᔭᖓᓂ. ᐊᔪᕆᖅᓱᐃᔨ ᐃᓂᑦ ᐸᐅ ᓄᓇᒋᔭᖓᓐᓄᑦ ᐅᑎᖅᓯᒪᓕᖅᑐᑦ England ᒧᑦ ᐊᖓᔪᖃᖏᑦ ᑎᒻᒥᒥᒍᑦ ᐊᓐᓂᐊᖅᐸᓪᓕᐊᖕᒪᑦᑕ. ᑐᒃᓯᐅᑎᓚᕗᓪᓗ ᐊᐃᒻᓲᒃ ᔪᐊᖖ ᐊᓐᓃᕈᖕᓂᖁᓪᓗᒍ ᐅᑎᕈᖕᓇᖅᓯᖁᓪᓗᒍ ᐊᔪᕆᖅᓱᐃᖃᑕᖅᓂᕆᔭᖓᓐᓄᑦ. ᑐᒃᓯᐊᖅᑕ ᒎᑎᒧᑦ ᐊᔪᕆᖅᓱᐃᔨᐅᔪᒃᓴᓂᒃ ᓇᓪᕙᖅᓯᑲᓐᓂᖁᓪᓗᑕ, ᐊᒻᒪᓗ ᓴᐃᒻᒪᖅᑎᑕᐅᖁᓪᓗᒍ ᐊᔪᕆᖅᓱᐃᔨᖅᔪᐊᖃᖅᕕᒃᑯᑦ ᐊᒻᒪ ᐊᔪᕆᖅᓱᐃᔨᓄᑦ ᐃᓚᖏᓐᓄᑦ ᐊᖓᔪᖃᖑᔪᖅ, ᑕᒃᑯᐊᖑᖅᑐᑦ ᖁᓕᓪᓗ ᒪᓪᕈᒃᓗ ᐊᔪᕆᖅᓱᐃᔨᐅᔪᑦ ᐊᑭᓕᖅᑐᒐᐅᓪᓗᑎᒃ ᑕᒃᑯᐊᖑᓪᓕᖅᑐᑦ.

ᑕᑉᓱᒥᙵ ᐱᔾᔪᑎᖃᖅᑎᓪᓗᒍ ᐃᓪᓗᐊᖅᓴᖅᑕᐅᑲᓐᓂᖅᓂᖓ ᐊᒻᒪ ᐱᕈᖅᐸᓪᓕᐊᔪᑎᒃᓴᖓᓐᓂᒃ ᐃᓕᓐᓂᐊᖅᑎᖅᑎᓂᖅᒥᒃ ᐊᔪᕆᖅᓱᐃᔨᐅᔪᒃᓴᓂᒃ, ᐊᔪᕆᖅᓱᐃᔨᖅᔪᐊᖅ ᔪᐃ, ᓄᓕᐊᖓᓗ ᔨᐊᓐ, ᐊᒻᒪ ᐃᖅᓂᖓᓗ ᐱᐊᓐ ᐅᑎᖅᓯᒪᓕᖅᑐᑦ ᔭᓗᓇᐃᒧᑦ. ᐅᑉᓘᑉ ᐃᓚᖓᓐᓂ ᑐᒃᓯᐊᖅᕕᖕᒥ ᐱᓕᕆᖃᑕᕈᒪᖅᑐᖅ ᐊᒻᒪ ᐅᑉᓘᑉ ᐃᓚᖓᓐᓂ ᐃᓕᓐᓂᐊᖅᑎᑦᑎᓂᖅ ᐊᔪᕆᖅᓱᐃᔨᐅᔪᒃᓴᓄᑦ ᑎᑎᖃᓂᒃ ᐃᓪᓗᐊᖅᓴᐃᖃᑕᕈᒪᓕᖅᑐᑦ ᖃᕆᑕᐅᔭᒃᑯᑦ ᐃᓕᓐᓂᐊᖅᑎᑦᑎᖃᑕᖅᓂᒃᑯ ᑖᓚᕖᓵᑎᑐᑦ ᐊᔾᔨᐊᓂᒃ ᐊᑐᖅᓗᑎᒃ. ᑕᓐᓇ ᐊᑐᖅᓂᖅᓴᐅᓪᓗᒍ ᐱᕈᖅᑎᑦᑎᔪᖕᓇᖅᐳᖅ ᑕᒃᑯᓐᓄᖓ ᐊᕕᒃᑐᒃᓯᒪᐅᔪᓄᑦ ᓄᓇᓖᐅᔪᓂᒃ: ᐊᔪᕆᖅᓱᐃᔨ ᐊᓐ ᒪᑕ ᑭᓇᐃᓐᓇᖅ (ᑕᒃᕙ ᐸᙱᖅᑐᒥᑦᑐᖅ) ᐃᖃᓗᐃᓄᑦ ᓄᑦᑑᖕᒥᖅᑐᖅ ᐃᓕᓐᓂᐊᖅᑎᑎᖃᑕᖅᓗᓂ ᐊᔪᕆᖅᓱᐃᔨᐅᔪᒃᓴᓂᒃ ᐃᖃᓗᐃᓐᓂ, ᑕᐃᒻᒪᓗ ᑕᒃᕙᓐᓂ ᐃᖃᓗᐃᓐᓂ ᐊᖕᓕᑲᑯᑦ ᑐᒃᓯᐊᖅᕕᖓᓐᓂ ᐃᑲᔪᖃᑕᖅᓗᓂ. ᑕᒻᒪᐃᓐᓄ ᖃᑉᓗᓇᑎᑐᑦ ᐃᓄᒃᑎᑐᓪᓗ ᐅᖃᒪᔪᖕᓇᖅᑐᒥᒃ ᐊᔪᕆᖅᓱᐃᔨᐅᓂᖅᒧᑦ ᐃᓕᓐᓂᐊᖅᑎᑦᑎᔨᐅᖃᖅᑎᓪᓗᒍ ᓱᕗ’ᒧᐊᖅᓂᖃᑦᑎᐊᕈᒪᖅᑐᖅ. ᐊᖕᓕᑲᒥᐅᑦ ᑐᒃᓯᐊᖅᕕᖓᑦ ᔭᓗᓇᐃ ᐊᔪᕆᖅᓱᖅᑕᐅᖃᑕᖅᓗᑎᒃ ᐱᕈᖅᑎᑦᑎᓗᓐᓂ ᐃᑲᔪᖅᑎᐅᔪᓂᒃ ᐊᒻᒪ ᐊᔪᕆᖅᓱᐃᔨᑲᔅᓴᖖᓂᖅᒧᑦ ᐃᓕᓐᓂᐊᖅᑐᓂᒃᓗ ᐱᓕᕆᐊᕆᔭᒃᓴᖏᑦ ᐊᒥᓪᓕᕙᓪᓕᐊᑎᓪᓗᒋᓪᓗ ᐊᔪᕆᖅᓱᐃᔨᓂᒃ ᐃᑲᔪᖅᐸᓪᓕᐊᓕᖅᑎᓪᓗᒋᑦ, ᑕᐃᒻᒪᓗ ᖃᓐᓂᑦᑐᑯᑦ ᐊᖕᓕᑲᒥᐅᑦ ᑐᒃᓯᐊᖅᕕᖓᑦ ᑐᒡᓕᐊᓂᒃ ᐊᔪᕆᖅᓱᐃᔨᑕᖃᕆᐊᖃᓕᖅᒪᑦᑕ ᐃᒡᓗᒃᓴᖓᓐᓂᒃᓗ ᕿᓂᖅᐸᒌᕆᐊᖃᕈᒪᖅᑐᒍᑦ ᐊᔪᕆᖅᓱᐃᔨᖃᑕᖅᑐᒃᓴᒥᒃ. ᐱᕈᖅᑎᑦᑎᓂᖅ ᓱᓐᓇᑐᐃᓇᖅᓂᒃ!